Organizata Botërore e Shëndetësisë paralajmëroi të martën për një “rrezik të madh biologjik” pasi luftëtarët sudanezë pushtuan Laboratorin Kombëtar të Shëndetit Publik në kryeqytetin Khartoum, transmeton InLajmi.
2 palët ndërluftuese prishën armëpushimin e ndërmjetësuar nga SHBA-ja.
Të shtënat me armë zjarri dhe zhurma e avionëve luftarakë u dëgjuan në Khartoum të martën, gjysmë dite pasi shpallja e një armëpushimi 72-orësh ngriti shpresat për hapjen e rrugëve të arratisjes për civilët e dëshpëruar për të ikur.
Përleshje të rënda shpërthyen midis ushtrisë sudaneze dhe Forcave të Mbështetjes së Shpejtë, grupi paraushtarak që lufton ushtrinë për kontrollin e vendit, në pjesën veriore të shtetit Khartoum, thanë dëshmitarët okularë.
2 palët ndërluftuese akuzuan njëra-tjetrën për shkelje të marrëveshjes, shkruan CNN.
Numri i njerëzve të vrarë në Sudan që nga shpërthimi i dhunës 11 ditë më parë ka arritur në të paktën 459 vdekje, tha të martën Organizata Botërore e Shëndetësisë, me të paktën 4.072 të plagosur. /InLajmi/
