Binjakët shqiptar Edmond dhe Eduard Trushi janë rikthyer edhe njëherë në vëmendjen e policisë italiane, e cila ka shpërndarë në rrjetet një foto të tyre, teksa iu kërkon qytetarëve ndihmë për kapjen pasi akuzohen për dhjetëra vjedhje.
Vëllezërit operojnë në zonën e Udines dhe dyshohet se kanë kryer disa krime në banesa, por mbetet problemi kryesor që i mban ata gjithnjë larg hekurave, 38 vjeçarët është e pamundur t’i dënosh.
Kjo për shkak se janë identikë. E njëjta gjatësi, të njëjtat veshje, të njëjtët tatuazhe. Madje dhe testet e ADN nuk mund të arrijnë në konkluzione përfundimtare se kush prej të 2 është autori i krimit, pasi dhe ajo është shumë e ngjashme dhe për këtë arsye për ligjin janë të pafajshëm, përcjell A2CNN
Vëllezërit duket se po përfitojnë nga kjo gjë dhe po e përdorin atë pasi sipas autoriteteve ata asnjëherë nuk e kryejnë një vjedhje së bashku.
