Qeveria e Sudanit Jugor thotë se rreth 9.000 persona kanë kaluar kufirin e saj që nga fillimi i konfliktit në Sudanin fqinj 10 ditë më parë, transmeton InLajmi.
Ministri i Jashtëm Deng Dau Deng tha se shumica e të ardhurve ishin nga vendi i tij rreth 6.000 persona.
Rreth 3.000 nga të ardhurit e rinj janë një përzierje e sudanezëve dhe qytetarëve të vendeve të tjera, përfshirë Kenia, Uganda dhe Etiopia, Eritreanë dhe Somalianë, shumë prej tyre diplomatë.
Kenia thuhet se dërgoi një avion në Sudanin e Jugut të hënën pasdite për 24 qytetarë të saj.
Sudani i Jugut fitoi pavarësinë nga Sudani 12 vjet më parë, por sipas Deng, paqëndrueshmëria në Sudan ende prek Sudanin e Jugut: ka një popullsi të madhe sudaneze jugore në Sudan dhe nafta nga Sudani i Jugut kalon nëpër territorin sudanez për të shkuar në Portin e Sudanit në Detin e Kuq, shkruan BBC.
Ndryshe, konflikti i ashpër për pushtet ka nisur në Sudan mes 2 ushtrive të vendit. /InLajmi/
