Veriu i Kosovës ka nisur zyrtarisht zgjedhjet e jashtëzakonshme vendore rreth orës 07:00 të mëngjesit të kësaj të diele.
Megjithatë në qendrën në Brelje Breg me 4.111 votues, rruga Mitrovicë-Bërnjak, dalja e Zubin Potokut, deri tani nuk ka votuar asnjë zgjedhës.
Edhe në qendrën e votimit në afërsi të kufirit në Bërnjak, po ashtu nuk ka votuar asnjë qytetar. Të drejte vote kanë 629. Në këto 2 qendra, të gjithë gjithë qytetarët që kanë të drejtë vote janë serbë, shkruan Top Channel.
Vlen të theksohet se zgjedhjet në veriun e Kosovës ndodhen nën hijen e bojkotit, ku ndërsa Kosova ka çelur votimet për zgjedhjet e jashtëzakonshme në Mitrovicë e Veriut, Zubin Potok, Zveçan dhe Leposaviq, “Lista Serbe” bën thirrje për bojkotim të zgjedhjeve të 23 Prillit.
