Kryetari i Kuvendit të Kosovës, Glauk Konjufca, ua ka uruar festën e Bajramit të gjithë besimtarëve myslimanë, përcjell InLajmi.
Konjufca theksoi se në këto ditë të veçanta hareje, paqja, harmonia dhe lumturia duhet të jenë prioriteti ynë kryesor.
Ai shpreson që kjo festë të sjellë më shumë gëzim, shëndet dhe prosperitet për të gjitha familjet.
Në fund, ai shkruan “të udhëhequr nga kjo dashuri, të përkushtohemi edhe më shumë për të ndërtuar një të ardhme më të mirë dhe më të qëndrueshme në Kosovë dhe më gjerë”.
Postimi i plotë i tij:
Si përfundim i Ramazanit, ne sot shënojmë Festën e Bajramit.
Në këto ditë të veçanta hareje, paqja, harmonia dhe lumturia duhet të jenë prioriteti ynë kryesor.
Duke e vizituar dhe përqafuar njëri-tjetrin, le të ndajmë mikpritjen, dashurinë dhe mirënjohjen mes nesh, ashtu siç ndajmë edhe ëmbëlsirat.
Shpresojmë që kjo festë të sjellë më shumë gëzim, shëndet dhe prosperitet për ju dhe familjen tuaj.
Të udhëhequr nga kjo dashuri, të përkushtohemi edhe më shumë për të ndërtuar një të ardhme më të mirë dhe më të qëndrueshme në Kosovë dhe më gjerë.
Gëzuar Bajramin!. /InLajmi/
