Besimtarët myslimanë në Kosovë por edhe në gjithë botën të premten kanë festuar Fitër Bajramin.
Kjo festë vije pas agjërimit për një muaj të Ramazanit.
Fitër Bajrami për besimtarin është festë për shkak se ka arritur ta përfundojë një obligim sipas fesë islame siç është muaji i Ramazanit.
Nexhmi Hoxha – imam, ka thënë se besimtari feston për fitoren e madhe që ka pasur me Zotin, dhe jo pse përfundon Ramazani, shkruan Tëvë1
“Festa e Fitër Bajramit na vije pas një muaji sakrifice e përkushtimi, të mësimit të trupit dhe shpirtit në përgjithësi. Normalisht besimtari feston për këtë fitore të madhe që ka pasur në lidhje me Zotin. Besimtari nuk feston pse ka kaluar Ramazani, sepse normalisht ne ndihemi të mërzitur me kalimin e muajit të mëshirës. Festojmë se kemi mujt me kaluar muajin e Ramazanit me dëshirën tonë në adhurim ndaj Zotit. Këtë e feston besimtari në këtë ditë feste”, ka thënë ai në emisionin Fanari.
