Policia e Kosovës ka dhënë detaje për alarmin e rrëmë për bombë që u dha mesditën e së mërkurës në Aeroportin e Prishtinës, përcjell InLajmi.
Në raportin e Policisë së Kosovës thuhet se një zyrtar i aeroportit ka pranuar një mesazh për një kërcënimin me bombë.
Njësitë policore fillimisht kanë evakuuar personat që ishin në aeroport dhe pastaj njësitë relevante kanë kontrolluar hapësirat e aeroportit, mirëpo nuk është gjetur asgjë e dyshimtë
Me vendim të prokurorit, është inicuar rasti dhe po hetohet.
Njoftimii plotë nga Policia e Kosovës:
Lajmërim apo kallëzim i rrellë
Aeroporti i Prishtinës, 19.04.2023 – 15:57. Një zyrtar i Aeroportit ka pranuar një mesazh për një kërcënim me bombë në aeroport. Njësitë policore fillimisht kanë evakuuar personat që ishin në aeroport dhe pastaj njësitë relevante kanë kontrolluar hapësirat e aeroportit mirëpo nuk është gjetur asgjë e dyshimtë. Me vendim të prokurorit është inicuar rasti dhe mbetet në hetime. /InLajmi/
