Me 11 mars të vitit të kaluar Komuna e Prishtinës mori vendim për shtrenjtimin e çmimores së auto-taksive për nisje nga 1.50 euro në 2:00 euro me arsyetimin e ngritjes së çmimit të derivateve.
Pas 1 viti çmimet e derivateve kanë rënë por ky vendim bazuar në përgjigjën që komuna ka dhënë për Gazetën Insajderi se ka ndërmend të ndryshohet.
Kështu të paktën bazuar në përgjigjën që ka dhënë nga drejtori për Shërbime Publike, Ilirik Musliu.
Rritja e çmimores e vendosur me lejen e Komunës së Prishtinës po bëhet nën petkun e “reformimit të transportit publik”, si rrjedhojë kosovarët do të vazhdojnë paguajnë si para 1 viti.
0.50 cent për një biletë autobusi të Trafikut Urban dhe 2:00 euro qysh në nisje nëse përdorni taksi.
“Si pjesë e reformimit të transportit publik e në të njëjtën kohë edhe të implementimit të planit të mobilitetit dhe riformimit të tij jemi kujdesur që të marrim hapa konkret në raport me sektorin e taksive dhe në të njëjtën kohë edhe me trafikun publik ku edhe patëm dal me çmimoret e reja si pjesë e reformimit të transportit në Kryeqytet dhe si të tilla do të vazhdojnë të jenë në fuqi deri në një vendim tjetër“, ka thënë Musliu
Në vitin e kaluar, i pari i Prishtinës, Përparim Rama deklaronte se rritjen e çmimeve të taksive e kanë lejuar pas ngritjes së çmimit të naftës, ndërsa theksonte që rritja e këtij çmimi stimulon përdorimin e trafikut urban.
Tash e 3 muaj qytetarët e Prishtinës po paguajnë më shtrenjtë edhe për përdorimin e Trafikut Urban.
Çmimi i biletës ditore nga 0.40 cent sa ishte është bërë 0.50 cent.
