Ushtarët e Forcës së Sigurisë së Kosovës këtë të mërkurë e kanë realizuar Provën e Konceptit të Ushtrimit në kuadër të përgatitjeve përfundimtare, para ushtrimit fushor “Defender Europe 23”, përcjell InLajmi.
Kjo u bë e ditur nga Ministri i Mbrojtjes Armend Mehaj i cili deklaroi se në këtë ushtrim FSK do të marr marrë pjesë me 2 regjimente.
Mehaj shtoi se dita promovuese e këtij ushtrimi do të realizohet me datë 21 maj në Sheshin Skenderbej në Prishtinë.
Postimi i plotë i tij:
Kosova shteti pritës i Defender ’23
Po bëhen përgatitjet e fundit për realizimin e suksesshëm të ushtrimit ushtarak më të madh ndërkombëtar të realizuar ne rajonin e Ballkanit Perëndimor “Defender ’23” nën drejtimin e Ushtrisë së ShBA-së me pjesëmarrjen e 22 mijë ushtarëve dhe 25 shteteve, me nikoqir këtë vit edhe Kosovën.
Në këtë ushtrim, që do të realizohet në Babaj të Bogës dhe në Aeroportin e Gjakovës përgjatë periudhës 22 maj deri më 2 qershor, Forca e Sigurisë së Kosovës do të marr pjesë me dy regjimente, mbi 1300 trupa dhe disa njësi, duke treguar edhe njëherë profesionalizëm të lartë, disiplinë dhe gatishmëri për të ofruar kontributin e saj si anëtare e NATO-s.
Dita promovuese e këtij ushtrimi (Outreach Day) do të realizohet me datë 21 maj në Sheshin Skenderbej në Prishtinë, kurse Dita e Personaliteteve të Shquara (DV Day) me datën 30 maj në zonën e trajnimit në Babaj të Bokës.
Mirënjohje të pafund për Shtabin e Përgjithsëm të FSK-së, gjithë zingjirin komandues si dhe ushtarakët e tjerë të angazhuar për punën e pandërprerë në realizimin e kusesshëm të këtij ushtrimi. /InLajmi/
