Skuadra e Trepçës ka shënuar fitore në Palestrën “Minatori” ndaj Prishtinës në ndeshjen e vlefshme për gjysmëfinalen e 2-të në fazën e play-offit në Superligën e Kosovës në basketboll.
Ekipi nga Mitrovica arriti fitore me rezultatin 77-68, në një ndeshje tejet interesante të zhvilluar në Mitrovicë.
Koshashënuesi më i mirë i ndeshjes, ishte Daniels – që realizoi 20 pikë, bëri nëntë kërcime dhe një asist.
Kurse te ekipi i Prishtinës, më i miri ishte Wilson, me 19 pikë, 7 kërcime dhe 3 asiste, shkruan Sinjali.
Ndeshja e 3-të zhvillohet në Pallatin e Rinisë dhe Sporteve në Prishtinë pas disa ditëve. Rezultati i përgjithshëm tani është 1 me 1.
