Kryetari i Kuvendit të Kosovës Glauk Konjufca, ka bërë homazhe në Kompleksin Memorial në Poklek të Drenasit, raporton InLajmi.
Konjufca theksoi se masakra e Poklekut është akt i gjenocidit serb mbi popullinë e Kosovës.
“Masakra e Poklelut dhe të gjitha ato maskara janë akte të gjenocidit mbi popullin e Kosovës, 54 veta vetëm këtu janë ekzekutuar”, tha ai.
Ai kujtoi se 128 civilë shqiptarë janë vrarë nga Serbia ndërsa shtoi se ky 24-vjetor është ditë dhimbje dhe krenarie për popullin shqiptar.
“Sot 24 vjet më parë 128 civilë janë vrarë prej shtetit serbe, është ditë e dhimbjes dhe krenarie, falë këtij gjaku të derdhur jemi çliruar dhe ka ardhur liria”, tha kryekuvendariKonjofca.
Për më tepër, ai shtoi se Kosova nuk do të ndalojë asnjëherë së kërkuari drejtësi kundër gjenocidit të Serbisë.
“Ne kurrë nuk do të rreshtim së kërkuari drejtësi kundër gjenocidit të Serbisë, kundër popullatës së pafajshme. Lavdi të rënëve, lavdi dëshmorëve”, u shpreh i pari i legjilativit të vendit./InLajmi/
