Futbollisti i Kosovës Edon Zhegrova, ishte mysafir në emisionin Sports Show.
Zhegrova tha gjatë intervistës se ëndrra e tij është që të luajë për Barcelonën.
“Unë jam duke punuar shumë. Kam bërë progres në anën fizike dhe taktike. Nuk do të ndalem derisa të arrijë atje. Por, në futboll nuk i dihet. Po shpresoj që ta kem shëndetin, të vazhdojë të punojë dhe pastaj tjerat vijnë”, tha Zhegrova në Sports Show.
Ai është bërë një lojtar kyç i skuadrës së Lille.
24-vjeçari ishte protagonist në 2 ndeshje për skuadrën franceze.
Edon Zhegrova, javën e kaluar realizoi 2 gola kundër Lorient duke ia mundësuar fitoren ekipit të tij, shkruan Klan Kosova.
Edhe sot Zhegrova, ishte kreator i fitores së Lille, e cila fitoi me përmbysje ndaj Montpellier me rezultat 2:1.
