Gazetari Valon Syla, ka shprehur shqetësim sesi ende prokuroria nuk e kanë kontaktuar zyrtarisht mbi procesin rreth rastit të tij ku u sulmua nga 3 persona të dyshuar javën e kaluar, përcjell InLajmi.
Syla tha se prokuroria nuk i ka dhënë asnjë dokument rreth rastit të tij dhe nuk është njoftuar sa i përket mbajtjes së seances për caktimin e paraburgimit të personave të dyshuar.
Ai tha se beson në drejtësi por mos informimi rreth rastit nga gjykata dhe prokuroria nuk është në rregull.
Syla tha se e njëjta i ka ndodhur edhe në rastin e pare kur sulmuesi u dënua vetëm 4000 euro dhe pak ditë paraburgim.
Postimi i plotë i tij:
Nuk i di saktësisht keto procedurat penale por dicka po me habit shume ne rastin e sulmit tim.
Prokuroria/prokurori, as ai kujdestar e as ai qe eshte caktu me vone, nuk me kane kontaktu ende zyrtarisht.
Prokuroria nuk me ka dhene asnje dokument rreth rastit tem, bile ende zyrtarisht nuk me kane tregu kush eshte prokuror i rastit.
Prokuroria/gjykata, trupi gjykues i procedures paraprake, nuk me kane njoftu qe eshte mbajte seance per caktimin e paraburgimit te personave te dyshuar. Nga mediat jam informu dhe kisha pase qejf me qene prezent une ose avokati im.
Ende nuk jam njoftu zyrtarisht per caktimin e paraburgimit, pra nuk e kam aktvendimin.
Une besoj në drejtësi, por nuk po me doket n’rregull keshtu.
Njejte ma kane bo edhe ne rastin e pare, kur sulmuesi u denua vetëm 4000 euro dhe pak ditë paraburgim./InLajmi/
