Programi Botëror i Ushqimit (WFP) ka njoftuar se po ndalon përkohësisht të gjitha operacionet në Sudan, pas vrasjes së 3 punonjësve të saj.
WFP thotë se është “e tmerruar” nga lajmi për vdekjen e punonjësve,shkruan BBC.
“Ngushëllimet tona më të thella janë me familjet e tyre dhe u bëjmë thirrje të gjitha palëve në Sudan të respektojnë neutralitetin e punonjësve humanitarë në Sudan, roli i të cilëve është të ndihmojnë të gjitha palët në këtë krizë. WFP është detyruar të ndalojë përkohësisht operacionet e saj ndërsa ne shqyrtojmë situatën e sigurisë. Dhuna e vazhdueshme ka një ndikim të rëndë në punën tonë dhe te njerëzit të cilëve u shërbejmë”, thuhet në deklaratë, transmeton Klankosova.
WFP tha se u bën thirrje të gjitha palëve të arrijnë një marrëveshje që mundëson ofrimin e vazhdueshëm të ndihmës humanitare shpëtimtare në Sudan.
