Kryeministri i vendit Albin Kurti, ka folur për marrëveshjen e dakorduar në Ohër, për të cilën theksoi se është marrëveshje e detyrueshme dhe se duhet të zbatohet, përcjell InLajmi.
Kurti theksoi se zbatimi i marrëveshjes duhet të bëhet plotësisht dhe menjëherë ndërsa shtoi se nuk duhet të ketë vonesa.
“Ne kemi kaluar 2 vitet e fundit në Bruksel duke diskutuar një marrëveshje ligjërisht të detyrueshme mes Kosovës dhe Serbisë. Më 18 mars në Ohër Josep Borrell njoftoi zyrtarisht marrëveshjen. Ajo që është rënë dakord tani duhet të zbatohet plotësisht dhe menjëherë. Asnjë zbatim i pjesshëm; pa vonesa”, shkroi Kurti.
Ndryshe, rikujtojmë se president serb Aleksandar Vuçiq ka theksuar vazhdimisht se marrëveshjen do ta zbatojë plotësisht deri te “vijat e kuqe”, në të cilat përfshihet njohja e Kosovës dhe anëtarësimi në OKB. /Inlajmi/
https://twitter.com/albinkurti/status/1647529771402768386
