Besimtarët ortodoksë në mbarë botën festojnë festën e Pashkëve, e cila është dita më e rëndësishme në kalendarin festiv të tyre, shkruan InLajmi.
Besimtarët ortodoksë në festën e Pashkëve kremtojnë ringjalljen e Krishtit, moment ky që simbolizon rilindjen e shpresës, forcimin e besimit tek Zoti për të gjithë besimtarët, kalimin nga e përkohshmja në të përjetshmen dhe çlirimin e njerëzve nga mëkati.
Festimet e kësaj dite nisin me meshën e madhe mbrëma dhe me drekën tradicionale.
“Krishti u ngjall, vërtet u ngjall”, është fjalia që përsëritet gjatë kësaj dite festive dhe e cila shprehet njëzëri nga të gjithë besimtarët duke trokitur vezën e kuqe të Pashkëve. /InLajmi/
