Kryeministrja serbe Ana Bërnabiq, ka reaguar pas deklaratës së fundit të kryeministrit të Kosovës Albin Kurti, pasi ky i fundit kërkoi zbatimin e plotë dhe të menjëhershëm të marrëveshjes së dakorduar në Ohër, përcjell InLajmi.
I shpejtë ishte reagimi i kryeministres serbe, e cila i tha Kurtit se Beogradi pret që 10 vjet për zbatimin e Marrëveshjeve të Brukselit, ndër to edhe themelimin e Asociacionit të komunave me shumicë serbe.
Për më tepër, ajo i drejtohet Kurtit, duke i thënë “Bëje Asociacionin!”.
“Edhe 3 ditë, më 19 prill, do të bëhen saktësisht 10 vjet, një dekadë e tërë, nga nënshkrimi i Marrëveshjeve të Brukselit. Presim 10 vjet që Prishtina të bëjë pjesën e saj të punës, 10 vjet që të themelohet Bashkësia e Komunave Serbe. Bëje!”, tha Bërnabiq. /InLajmi/
In 3 days, on 19 April, it will be exactly 10 yrs, a whole decade, since the Brussels Agreements was signed. We've been waiting for 10 yrs for Priština to do its part of the work, 10 yrs for the Community of Serb Municipalities to be established. Do it. @eu_eeas @MiroslavLajcak https://t.co/uhc1mZKtH5
— Ana Brnabic (@anabrnabic) April 16, 2023
