Kompania B1 e Regjimentit të Parë të Këmbësorisë së Forcës së Sigurisë së Kosovës, ka përfunduar me sukses trajnimin “lufta në qendrat e banuara”, përcjell InLajmi.
Kjo u bë e ditur nga ministri i Mbrojtjes, Armend Mehaj, duke shtuar se ky trajnim është njëra nga detyrat kryesore të këmbësorisë për përmbushje të misionit.
Mehaj tha se gjatë ekzekutimit të trajnimit, pjesëtarët kanë praktikuar disiplinat ushtarake, qitje me armë individuale dhe në ekip si dhe janë trajnuar për lufte në qendra të banuara në kushte të ditës dhe të natës, si një nga metodat me komplekse të luftës.
Postimi i plotë i tij:
“Lufta në qendrat e banuara”
Kompania 1B e Regjimentit të parë të këmbësorisë ka përfunduar trajnimin “Lufta në qendrat e banuara” me instruktorët e Operacioneve Speciale të Forcës së Sigurisë së Kosovës.
Qëllimi i këtij trajnimi ka qenë stërvitja e pjesëtareve për luftë në qendrat urbane, e që është një nga detyrat kryesore të këmbësorisë për përmbushje të misionit.
Gjatë ekzekutimit të trajnimi pjesëtarët kanë praktikuar disiplinat ushtarake, qitje me armë individuale dhe në ekip si dhe janë trajnuar për lufte në qendra të banuara në kushte të ditës dhe të natës, si një nga metodat me komplekse të luftës.
Trajnimi u përmbyll me realizimin e skenarit të “kordon-kërkimit” dhe “pastrimit të dhomave” ku pjesëmarrësit treguan nivel të lartë të përgatitjes profesionale. /InLajmi/
