Presidentja Vjosa Osmani ka kujtuar 24-vjetorin e masakrës në lagjen e Kovaçëve në Mitrovicë, përcjell InLajmi.
“24-vjet më parë, lagjja e Kovaçëve në Mitrovicë ka përjetuar ditën e tmerrshme, kur forcat paramilitare serbe masakruan 31 banorë të kësaj lagjeje”, thotë Osmani.
Osmani thotë se forcat serbe masakruan 31 banorë shqiptarë të lagjes së Kovaçëve ndërsa shtoi se ata do të kujtohen përherë.
“Ata u vranë vetëm pse ishin shqiptarë, u masakruan në lagjen e tyre, ndaj do të kujtohen përherë”, tha ajo.
Presidentja theksoi se institucionet nuk do të ndalojne asnjëherë në përpjekjen për të vënë para drejtësisë autorët e masakrës.
“Bashkë me kujtimin për ta nuk do të ndalojë asnjëherë as përpjekja për vënien e autorëve para drejtësisë”, tha ajo. /InLajmi/
