Presidenti i Republikës së Serbisë, Aleksandar Vuçiq, të enjten priti në takim Ministrin e Punëve të Jashtme të Mbretërisë së Spanjës, Jose Manuel Albares, me të cilin diskutuan për zhvillimet aktuale gjeopolitike në rajon e botë, transmeton InLajmi.
“Si gjithnjë ishte një takim i mirë me miqtë që e respektojnë Serbinë, me një shkëmbim të hapur dhe përmbajtjesor mendimesh për zhvillimet aktuale në skenën gjeopolitike të rajonit dhe botës, si dhe për mbështetjen e Spanjës për procesin e integrimit evropian të Serbisë”, në veçanti në udhëheqjen Presidencës spanjolle të Këshillit të BE-së” ,u shpreh Vuçiq.
“E falënderova ministrin Albares për qëndrimin parimor të vendit të tij për mosnjohjen e pavarësisë së shpallur në mënyrë të njëanshme të Kosovës dhe mbështetjen aktive që Spanja i jep Serbisë në forumet ndërkombëtare”, theksoi presidenti.
Presidenti Vuçiq ka shprehur shqetësimet lidhur me gjendjen e serbëve në veri të Kosovës, ndërsa beson se formimi i Asociacionit do të sigurojë serbët atje./InLajmi/
View this post on Instagram
