Policia e Kosovës bën të ditur se nga data 13 prill deri më 15 prill 2023, në Republikën e Kosovës do të qëndrojë për vizitë kryeministri i Republikës së Malit të Zi, Dritan Abazoviq, së bashku me një delegacion shoqërues, përcjell InLajmi.
Policia e Kosovës njofton se gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në vendin tonë.
Gjithashtu në njoftim thuhet se në disa segmente rrugore do të ketë ndërprerje të qarkullimit të automjeteve, do të ketë riorientim të trafikut në rrugë alternative.
Me qëllim që i tërë procesi operativ në ruajtjen e rendit dhe qetësisë të shkoj sipas parashikimeve, policia kërkon mirëkuptim të plotë nga ana e qytetarëve dhe pjesëmarrësve në trafik. /InLajmi/
