Klubi Futbollistik Tërnoci i cili garon në kampionatin serb, para disa ditëve ka njoftuar se ka pezulluar garat për arsye se janë dëmtuar gjatë ndeshjeve kampionale.
Klubi nga Bujanoci ka marrë këtë vendim pas ndeshjes me Moravan, ku 3 futbollistë të KF Tërnocit janë ndëshkuar me karton të kuq brenda një minuti.
Kryetari i KF Tërnocit, Jusuf Hasani ka treguar si ka ardhur deri te pezullimi i garave.
Ai ka deklaruar se klubi në vazhdimësi ka pasur probleme të ngjashme gjatë 10 viteve të fundit, por pjesëmarrja është vështiruar dukshëm kohëve të fundit.
”Të them të drejtën ne kemi garuar një ligë më poshtë, për 10 vite kemi arritur të ngjitemi një rang më lartë edhe pse cilësitë nuk na kanë munguar, jemi klub shumë mirë i organizuar me të gjitha grup moshat, por kohët e fundit është vështirësuar dukshëm pjesëmarrësja sidomos si mysafirë. Gjithsesi se po, deri më tash nuk e di a ka ndodh në një ndeshje që për një minutë me u suspendua tre lojtarë me karton të kuq, në pamje që i kemi publiku shihet se nuk ka pasur nevojë as për një karton të verdh e jo për tre të kuq.”, ka thënë Hasani.
Kryetari i KF Tërnocit ka bërë të ditur se kanë bërë ankes në Federatën e Serbisë, por nuk kanë marrë asnjë përgjigjeje deri më sot.
”Kemi bërë ankesë por deri më tash nuk kemi marr asnjë telefonat nga Federata përveç sekretareve në rang në rang federatash që faktikisht na kanë lut me vazhdu pasi dënimet janë me ra nga liga, faktikisht nuk janë duke shpreh interesim bashkëpunimi për më tutje.”, ka shtuar Hasani.
Ai ka thënë se i vetmi aktivitet në Luginën e Preshevës është kur KF Tërnoci luan futboll dhe mbledh mbi 500 persona dhe shpreson që ky aktivitet mos të ndalet.
Hasani ka bërë të ditur se klubi i Tërnocit ka mbështetje financiare nga Komuna e Bujanovit ndërsa këtë vit është ndihmuar edhe nga Qeveria e Kosovës, shkruan IndeksOnline
”I vetmi aktivitet në Luginën e Preshevës që mbledh mbi 500 veta gjatë vikendit është kur luan futboll KF Tërnoci, tjetër aktivitet kjo popullatë nuk ka edhe është shumë me rëndësi që ky aktivitet me mbet gjallë por fatkeqësisht besomë se çdo ditë po pamundësohet më shumë. Një përqindje vjen nga sponsoret, pastaj enkas buxhet ndan edhe Komuna e Bujanocit ndërsa këtë vit kemi marr edhe nga buxheti që ka ndarë këshilli nacional nga Qeveria e Kosovës.” , ka deklaruar Hasqani
