Këtë të enjte po zhvillohet seanca e radhës e Kuvendit të Kosovës ku po diskutohen disa pika të rendit të ditës, ndërsa opozita vazhdon me kritika ndaj qeverisjes Kurti, përcjell InLajmi.
Kritika ndaj qeverisjes Kurti, adresoi edhe deputetja nga radhët e Lidhjes Demokratike të Kosovës Valentina Bunjaku e cila numëroi të gjitha pozitat me ushtrues detyre në disa agjenci e drejtori të Kosovës, ndërsa thekson se kjo gjendje vjen si pasojë e papërgjegjshmërisë e qeverisë.
“Po i citoj me radhë se në shumicën e ministrive ju mungon sekretari i përgjithshëm. Nuk kanë sekretar të përgjithshëm. Po filloj nga zyra e kryeministrit, ku ende ka u.d. Ministria e Financave e Punëve dhe Transfereve ende është me u.d, Ministria e Zhvillimit Ekonomik me u.d, MAPL me u.d, Ministria e Jashtme me u.d, Ministria për Komunitete dhe Kthim me u.d, Ministria e Industrisë, Tregtisë me u.d” , deklaroi ajo
Bunjaku po ashtu i propozoi qeverisë ‘që të bëhet me ushtrues detyre”.
“Po ju propozoj që edhe kjo qeveri të bëhet me ushtrues detyre. Ju jeni qeveria më e papërgjegjshme, jeni qeveria që gjithçka funksiononi me ushtrues detyre”, tha ndër të tjera Bunjaku /InLajmi/
