Mëngjesin e së martës, vullkani Shiveluch shpërtheu në rajonin lindor të Rusisë Kamchatka, duke ngritur në qiell një re të madhe, e cila ka mbuluar zona të tëra, ndërsa pluhuri vullkanik ka pushtuar fshatrat.
Pamjet e publikuara në rrjetet sociale janë të tmerrshme, ndërsa hiri vullkanik është rikthyer në rrezik dhe për fluturimin e avionëve.
Një ekspert ka paralajmëruar se shpërthimi i vullkanit Shiveluch mund të ketë pasojë edhe më të rënda se Eyjafjallajökull në Islandë në vitin 2010, i cili shkaktoi pezullimin më të madh të fluturimit të avionëve që nga Lufta e Dytë Botërore, shkruan A2CNN.
Instituti i Vullkanologjisë dhe Sizmologjisë i Degës së Lindjes së Largët të RAS tha se një përcaktim rreziku “i kuq”, niveli më i lartë, është lëshuar për aviacionin dhe se ekziston rreziku i rrjedhave të nxehta të lavës që bllokojnë rrugët, njoftoi agjencia shtetërore ruse e lajmeve TASS.
