Kryetari i Aleancës për Ardhmërinë e Kosovës, Ramush Haradinaj, për nder të muajit të shenjtë të Ramazanit, ka shtruar iftar për miq dhe bashkëpunëtorë nga klubi “Demokracia Konservatore” në selinë e AAK-së, shkruan InLajmi.
Haradinaj tha se në frymën e solidaritetit, shprehjes së dashamirësisë dhe harmonisë, virtyte që përçon ky muaj i shenjtë, kishim kënaqësinë që në të njëjtën kohë të zhvillojmë një diskutim përmbajtësor për perspektivat tona të përbashkëta.
Ai tha se Kosova me mburrje promovon vlera dhe në vazhdimësi ka qenë shembull i tolerancës e bashkëjetës ndërfetare, gjithashtu ka uruar që rruga e shtetndërtimit të vazhdojë të bazohet mbi këto parime.
Postimi i plotë i tij:
Sot kisha kënaqësinë që për nder të muajit të shenjtë të Ramazanit, në selinë e Aleancës për Ardhmërinë e Kosovës të bëjmë iftar së bashku me miq nga klubi “Demokracia Konservatore”.
Në frymën e solidaritetit, shprehjes së dashamirësisë dhe harmonisë, virtyte që përçon ky muaj i shenjtë, kishim kënaqësinë që në të njëjtën kohë të zhvillojmë një diskutim përmbajtësor për perspektivat tona të përbashkëta.
Kosova me mburrje promovon vlera dhe në vazhdimësi ka qenë shembull i tolerancës e bashkëjetesës ndërfetare. Uroj që rruga jonë e shtetndërtimit të vazhdojë të bazohet mbi këto parime./InLajmi/
