Ish-presidenti i Shqipërisë, Ilir Meta është takuar me të dërguarin e SHBA-së për Ballkanin Perëndimor, Gabriel Escobar.
Me të tha se pati komunikim të hapur.
Ndër tjerash, Meta dhe Escobar kanë folur edhe për procesin e dialogut ndërmjet Kosovës dhe Serbisë.
“Vlerësova se angazhimi i SHBA-së në procesin e negociatave ndërmjet Kosovës dhe Serbisë është thelbësor dhe garanton përfundimin e suksesshëm të dialogut mes 2 vendeve”, tha Meta.
Për Shqipërinë, kryetari i Partisë së Lirisë tha se “aleanca me SHBA-në është thelbësore për demokracinë, zhvillimin ekonomik, sigurinë e vendit dhe të rajonit”, shkruan IndeksOnline
“Falënderova zotin Escobar për mbështetjen e projektit të bazës së NATO-s në Kuçovë, si dhe ndihmën e jashtëzakonshme për forcimin e kapaciteteve mbrojtëse lidhur me sigurinë kibernetike”, tha ndër tjerash Meta.
