Avokati Tomë Gashi ka reaguar pas deklaratës së Prokurorisë Themelore në Prishtinë për sulmin ndaj gazetarit Valon Syla, pasi kjo e fundit këtë sulm e cilësoi si “lëndim të lehtë trupor”, përcjell InLajmi.
Sipas Gashit, klasifikimi i sulmeve të tilla si “të lehta” i inkurajon sulmuesit.
Për më tepër, ai shtron pyetjen “Veç paramendone 3 persona, duke e sulmuar një prokuror për shkak se nuk iu pëlqen ndonjë vendim i tij, a do ta kualifikonte prokuroria si ‘lëndim të lehtë trupor’?!.
Tutje, ai derisa përmend faktin se gazetarin Syla nuk e sulmuan 3 persona për t’i shkaktuar lëndim të lehtë trupor, i bën thirrje Prokurorisë që “të kthjellet”.
Postimi i plotë i tij pa ndërhyrje:
Kualifikim juridik qe eshte me i rende se sulmi ndaj gazetarit – opinionistit Valon Syla!
Nuk e sulmuan Valonin 3 persona per t’i shkaktuar lendime te lehta.
Per shkak te ketyre kualifikimeve juridike – ‘te lehta’ – sulmuesit inkurajohen.
Vec paramendone tre persona me e sulmu nje prokuror per shkak se nuk iu pelqen ndonje vendim i tij, a do ta kualifikonte prokuroria si ‘lendim te lehte trupor’?!
Valoni eshte sulmuar nga tre persona vetem per shkak te opinioneve te tij. Ne nje shtet ligjor kjo nuk do te duhej te ndodhte kurre, e nese ndodhe nuk mund te klasifikohet si lendim i lehte!
Dje i ka ndodhur Valonit, sot mund t’i ndodhe dikujt tjeter!
Prokurori, kthjellu! /InLajmi/
