“Përshëndetje z.Thaçi, z.Veseli, z.Krasniqi, z.Selimi”, – përshëndetjen e tij publike ndaj ish-krerëve të UÇK-së të bërë në RTK, gazetari Ridvan Berisha e ka rikthyer sërish në kujtesën e publikut.
Berisha i ftuar në Politiko, me të nisur emisioni tha se një përshëndetje të tillë, ai nuk e bën për vëmendje, por në nder të memories së lavdishme të UÇK-së.
“Do e bëj përsëri. Se bëj për show e as mediatizim. As për pëlqyeshmëri publik, e bëj për konsideratën thelbësore në funksion të memories ma të lavdishme të këtij vendi të 3 shkronjave të arta, UÇK.”, u shpreh Berisha kur u pyet nga autori i Politikos, Kushtrim Sadiku nëse do ta bënte sërish.
Berisha u shpreh i lumtur për siç tha ai, që në mjedisin publik po sheh qëndrime të shumta të kolegëve të tij, se si Specialja është një pushtet paralel në Kosovë.
“E rikthej memorien kur në Televizionin Publik unë po i përshëndesja presidentin Thaçi, kryekuvendarët Veseli e Krasniqi e z.Selimi, në mjedisin tonë publik thuajse ishte përjetuar si një shok kundër neutralitetit. Sot jam i lumtur që rreth vetës shoh kolegë që po e shohin Specialen si një pushtet paralel të Kosovës, përtej vendimit të gushtit të 2015.”, tha Berisha, shkruan Gazeta10.
“Unë në në çdo rast për themelet e shtetit nuk jam neutral, a duhet me ekzistu shteti i Kosovës a jo, a duhet me ekzistu., deklaroi tutje Berisha teksa u pyet nga Sadiku se a do ta bëj përsëri atë.”, tha tutje ai në Politiko.
