Lista Serbe ka kërkuar që forcat e Njësisë Speciale të Policisë së Kosovës të largohen nga veriu. Ky subjekt politik e bëri këtë kërkesë, pasi pretendon se Policia e Kosovës ka shtënë me armë zjarri ndaj serbit Milan Juvanoviq, transmeton InLajmi.
Tutje, ky subjekt politik u bën thirrje përfaqësuesve ndërkombëtarë që të dënojnë aktin, në të njëjtën kohë kërkon që urgjentisht të tërheqin njësitë policore nga veriu me qëllimin e vetëm për sigurinë dhe paqen e gjithë qytetarëve, shkruan Tv Pink.
Por pretendimeve të Listës Serbe iu përgjigj Policia e Kosovës, e cila më herët mohoi akuzat e ngritura ndaj tyre, duke theksuar se nuk janë përfshirë në asnjë rast të shkëmbit apo gjuajtjes me armë zjarri në asnjë lokacion në veri të Kosovës.
Zyrtarë nga Policia e Kosovës thanë se do të mbeten të përkushtuar në hetimin dhe ndriçimin e zbardhjes së më parë të rastit të personit të plagosur, i cili aktualisht është duke u trajtuar në qendrën spitalore të Mitrovicës Veriore dhe është jashtë rrezikut për jetë. /InLajmi/
