Xhavit Jasharaj nga OVL “UÇK”, ka deklaruar se deklaratat e Imer Imerit kanë dëmtuar luftën e Ushtrisë Çlirimtare të Kosovës.
Mbrëmjen e së hënës, ishte Imer Imeri, vëllai i aktivistit të vrarë të LDK-së, ai i cili kishte deklaruar se ish-presidenti Hashim Thaçi kishte vrarë shqiptarë. Lidhur me këtë, Jasharaj ka deklaruar se i njëjti kishte bërë edhe propagandë ndaj luftës së UÇK-së.
“Të gjithë jemi të interesuar që çdo vrasje që ka ndodhur në Kosovë të ndriqohet mirëpo Imer Imeri dhe çiftet e tij siç është edhe avokati…janë njerëz që edhe gjatë luftës së UÇK-së me deklarata të tilla e kanë dëmtuar luftën e UÇK-së dhe luftën…në një periudhë kohore kanë bërë edhe propagandë të jashtëzakonshme ndaj luftës së UÇK-së duke i cilësuar madje edhe në mërgatë edhe në Evropë që këta janë hajdutë”, ka deklaruar ai në “Debat Plus”.
Nga ana tjetër, Jasharaj ka komentuar edhe procesin gjyqësor të ish-krerëve të UÇK-së në Hagë. Ai ka thënë se dihej qysh në vitin 2015 që një gjykatë e tillë do të ishte e njëanshme, e dëmshme dhe jo vetëm, shkruan Dukagjini.
“Faktikisht edhe sot këtë proces e kemi parë ne si organizata të dalura nga lufta siç e kemi parë krijimin e kësaj gjykate më 2015. Ju e dini që atëherë ne e kmei nprotestuar që mos të jepet mundësia të krijohet një gjykatë e tillë sepse atëherë kemi konsideruar, duke u bazuar edhe në e gjykatat të tjera pas luftës…dhe e kemi ditur që do të jetë e dëmshme, selektive, e njëanshme dhe me shpifje e me akuza siç po del e po vërtetohet në vazhdimësi të inskenuara dhe të përpunuara në Serbi e në Beograd. Nuk është diçka e re që sulmohet UÇK-ja, në këtë rast bartësit dhe udhëheqësit e saj por është shqetësuese me terminologjinë që përdor në aktakuzë pra, si një organizatë e përbashkët kriminale…”, ka deklaruar Jasharaj.
