Partia Demokratike e Kosovës kujtoi në 25 vjetorin e vdekjes doktorin e UÇK-së, Hafir Shala, përcjell InLajmi.
Nga PDK deklaruan se Shala ishte humanitar e patriot që ishte në shërbim të popullit dhe luftëtarëve të UÇK-së.
Më tej nga kjo parti shtuan se liria dhe pavarësia e Kosovës qëndron mbi gjakun e shumë dëshmorëve, martirëve dhe qytetarëve tanë.
Njoftimi i plotë i PDK-së:
Sot bëhen 25 vjet nga mungesa e Doktorit të orëve të para të Ushtrisë Çlirimtare të Kosovës, Hafir Shala.
Dr. Hafir Shala, shpirtin humanitar dhe patriot e vuri në shërbim të popullit dhe luftëtarëve të UÇK-së.
Pikërisht, duke realizuar këtë mision të shenjtë dhe fisnik, në prill të vitit 1998, Dr. Hafir Shala u kidnapua në rrugë e sipër për të siguruar barnat e domosdoshme për ushtarët e plagosur – për fatin e të cilit nuk dihet ende asgjë.
Mungesa e Dr. Hafir Shalës është plagë e thellë për familjen, shoqërinë dhe shtetin tonë.
Liria dhe pavarësia e Kosovës qëndron mbi gjakun e shumë dëshmorëve, martirëve dhe qytetarëve tanë! /InLajmi/
