Kryeministrja e Serbisë, Ana Bërnabiq, ka theksuar se situata në veri të Kosovës po bëhet gjithnjë e më e tensionuar, transmeton InLajmi.
Duke komentuar situatën në Kosovë, Bërnabiq kujtoi se këtë javë do të ketë edhe një takim me të gjithë ministrat e Qeverisë dhe serbët e Kosovës.
“Ajo që është e tmerrshme, e frikshme dhe shqetësuese është se tensionet po rriten sërish. Provokimet po shtonen. Komuniteti ndërkombëtar është ende i heshtur”, deklaroi Bërnabiq.
Ndërsa flet për rritjen e tensioneve mes Kosovës dhe Serbisë, Bërnabiq përmend çështjen e Asociacionit, duke theksuar se tash e 10 vite Kosova po i shmanget këtij obligimi, shkruan Tv Pink.
Për më tepër Bërnabiq i del në mbrojtje Aleksandër Vuçiqit i cili sipas saj, po sulmohet nga mediat dhe opozita serbe, kur ai në fakt po angazhohet për promovimin e paqes. /InLajmi/
