Përfaqësuesja e Kosovës U19 për vajza ka pësuar humbje në ndeshjen e 3 dhe të fundit në kuadër të Grupit 3 të Ligës së B për kualifikimet e Kampionatin Evropian 2023, përcjel InLajmi.
Në përballje me Irlandën e Veriut në Belfast, e cila ishte përcaktuese për pozitën e parë në grup, Dardanet U19 pësuan humbje me rezultat 3:1.
Kësisoj, ato e humbën mundësinë e promovimit në Ligën A për edicionin e ardhshëm kualifikues për Evropian, ndonëse në këtë ndeshje i mjaftonte edhe barazimi, ngase në 2 ndeshjet e para kishin shënuar fitore kundër Qipros dhe Letonisë.
Në fakt të përzgjedhurat e Albina Rrahmanit ishin në rrugë të mirë për ta siguruar pozitën e parë, ngase deri në minutën e 83-të ishin në epërsi, me golin e shënuar nga kapitenja Gresa Berisha, në minutën e 28-të, e cila u gjend më së miri në zonë pas harkimit nga këndorja dhe me gjuajtje të saktë mposhti portieren kundërshtare.
Megjithatë, vendaset arritën të barazojnë rezultatin në minutën e 57-të përmes Aimee Neal, e cila barazoi shifrat në minutën e 57-të me gjuajtje me kokë pas harkimit nga këndi.
Ndërkohë, për fitoren Irlandës së Veriut u përkujdes zëvendësuesja Keri Halliday, që shënoi 2 gola. Fillimisht realizoi në minutën e 83-të, duke shfrytëzuar pakujdesinë e mbrojtjes sonë, derisa në minutën e 2 të lojës shtesë shënoi me gjuajtje të fortë nga distanca. /InLajmi/
