Një grua ka vdekur si pasojë e plagëve të marra nga plagosja me armë zjarri në Obiliq, përcjell InLajmi.
Rastin për gazetën InLajmi e ka konfirmuar zëdhëndsja e Policisë së Kosovës për rajonin e Prishtinës, Flora Ahmeti.
“Dje rreth orës 14:30, kemi pranuar informatën për një person të plagosur nga arma e zjarrit nga QKMF në Obiliq. Personi i lënduar ( femër 31 vjeç) më pas është transportuar në QKUK, ku dhe është konstatuar vdekja e saj”, tha Ahmeti.
Ahmeti deklaroi tutje se Policia ka nisur hetimet për vdekjen në koordinim me prokurorin e shtetit. /InLajmi/
