Presidentja Vjosa Osmani uroi 15 vjetorin e miratimit të Kushtetutës së Republikës së Kosovës, përcjell InLajmi.
Osmani tha se mbetet detyrë dhe prioritet që me punë e përkushtim, t’i respektojmë dhe zbatojmë vlerat kushtetuese.
Më tej ajo tha se Kushtetuta është është frymëzim për liritë dhe të drejtat qytetare, për barazi para ligjit dhe vlera të tjera
Postimi i plotë i saj:
Sot festojmë miratimin e Kushtetutës së Republikës Kosovës- Aktit themeltar të shtetit tonë.
Kushtetuta jonë është frymëzim për liritë dhe të drejtat qytetare, për barazi para ligjit dhe vlera të tjera, përmes të cilave, kjo kushtetutë na mban brenda familjes së madhe evropiane.
Është detyrë e përbashkët, që nëpërmjet ruajtjes së sovranitetit, integritetit territorial, respektimit të vullnetit të popullit, garantimit të lirive qytetare pa dallim, t’i mbrojmë dhe avancojmë këto vlera, duke u bazuar gjithnjë në frymën dhe shkronjën e Kushtetutës.
Mbetet detyrë dhe prioritet i yni i përbashkët që me punë e përkushtim, t’i respektojmë dhe zbatojmë këto vlera kushtetuese, të cilat ndër të tjera janë edhe shpërfaqje e identitetit tonë. /InLajmi/
