I dërguari i Bashkimit Evropian për dialogun Kosovë-Serbi, Miroslav Lajçak, tha se kjo javë që po lëmë pas, ka qenë e ngarkuar me takimin i cili u zhvillua në Bruksel, në kuadër të kryenegociatorëve në dialogun Kosovë Serbi, përcjell InLajmi.
Ai tha se ka takuar gjithashtu edhe këshilltarin e Departamentit të Shtetit, Derek Chollet, ku tha se kanë biseduar sa i përket zhvillimeve të fundit në Ballkanin Perëndimor, dhe e ka informuar sa i përket takimit të dialogut dhe kryenegociatorëve.
I dërguari i BE-së tha se janë dakorduar për nevojën e zbatimit të menjehershëm në mirëbesim, duke u shprehur mirnjohës sa i përket patneritetit dhe koordinimin e forte me SHBA-të kur bëhet fjalë për dialogun.
Lajçak gjithashtu ka uruar edhe Pashkët e Katolikëve.
Postimi i plotë i tij:
Këtë javë isha i zënë me takime në Bruksel, ku organizuam një takim dialogu në nivelin e kryenegociatorëve. Kryenegociatorët nga Kosova dhe Serbia diskutuan për zbatimin e Marrëveshjes për rrugën drejt normalizimit dhe për çështje urgjente aktuale.
U takova gjithashtu me Këshilltarin e 🇺🇸 Departamentit të Shtetit Derek Chollet. Ishte mirë të flitej për zhvillimet e fundit në Ballkanin Perëndimor. E informova edhe për takimin e Dialogut dhe Kryenegociatorëve. Ne ramë dakord për nevojën e zbatimit të menjëhershëm në mirëbesim. Unë jam shumë mirënjohës për partneritetin dhe koordinimin e fortë me Shtetet e Bashkuara 🇺🇸 kur bëhet fjalë për Dialogun.
Meqenëse e kemi gjetur veten edhe një herë në këtë periudhë të veçantë të vitit, u dëshiroj të gjithë atyre që festojnë Pashkët!/InLajmi/
