Ministri i Bujqësisë, Pylltarisë dhe Zhvillimit Rural, Faton Peci ka marrë pjesë në aksionin anti-duhan në Mitrovicë e Vushtrri, përcjell InLajmi.
Peci tha se me inspektorët e AUV-së ka monituruar nga afër situatën me zbatimin e Ligjit të Duhanit, me ç’ rast dhe Policia e Kosovës ishte e gatshme për ndërhyrje në rast nevoje.
Ai tha se po ndihet mire sa i përket ndërgjegjësimit si të individëve ashtu edhe bizneseve.
Të respektosh ligjin do të thotë të respektosh tjetrin, në çdo cep të Kosovës ligji duhet zbatuar, përfundoj Peci.
Postimi i plotë i tij:
Aksioni anti-duhan vazhdon edhe në Mitrovicë e Vushtrri!
Me inspektorët e AUV-së pashë nga afër situatën me zbatimin e Ligjit të Duhanit, me ç’rast edhe Policia e Kosovës ishte e gatshme për ndërhyrje në rast nevoje.
Më vjen mirë që shoh nga afër ndërgjegjsim si të individëve ashtu edhe të bizneseve, duke iu ofruar qytetarëve jo-duhanpirës një ambient të pastër e pa duhan.
Të respektosh ligjin do të thotë të respektosh tjetrin!
Në çdo cep të Kosovës, ligji duhet zbatuar./InLajmi/
