Lionel Messi me asistimin e sotëm për Sergio Ramos, ka arritur të kontribuojë në1.000 gola dhe asistime në karrierën e tij të bujshme.
Messi në sfidën ndaj Nice, shënoi golin e parë dhe asistoi të dytin për Ramos, duke e arritur edhe këtë sukses personal.
Argjentinasi, i cili vetëm pak kohë më parë e fitoi Kupën e Botës, nuk e ka ndërmend të ndalet në thyerjen e rekordeve, pasi duket se këto janë bërë për t’u thyer nga fituesi i shtatëfishtë i Topit të Artë.
Megjithatë, e ardhmja e tij është paksa e turbullt, pasi nuk do e rinovojë kontratën me Paris Saint-Germainin.
Një ofertë prej 400 milionë eurove tashmë i ka ardhur nga Arabia argjentinasit, por i njëjti ka refuzuar, transmeton Sinjali.
Një kalim në Barcelonë mbetet i mundur, me zëvendspresidentin e këtij klubi që konfirmoi pak ditë më parë se janë në kontakte me Messin.
