8 Prilli është dita e 98 e këtij viti, deri në fund të tij janë edhe 267 ditë.
217 – Perandori romak Karakalla vritet dhe pasohet në fron nga konandanti i Gardës Pretoriane, Marcus Opellius Makrinus. Macrinus ishte me prejardhje berbere dhe perandori i parë romak i cili vinte nga klasa jo-senatoriale. Makrinus u përmbys dhe u ekzekutua pas një viti.
1500 – Beteja e Novarës: Mbreti francez Louis XII mund Dukën e Milanos, Ludoviko Sforza. Ky i fundit u tradhëtua ose u braktis nga trupat e tij që përbëheshin nga një kolaicion zviceran, gjerman dhe nga një kalorësi e lehtë stradiotë arvanitas; forcat zvicerane u rebeluan dhe negociuan një kapitullim me francezët; forcat gjermane shpejt bënë të njëjtën gjë dhe pasi u çarmatosën u lejuan të ktheheshin në shtëpitë e tyre; sa për stradiotët ata u lanë në mëshirën e francezëve dhe u masakruan; Sforca u kap dhe u mbajt për 8 vjet në kështjellën Loches Chateau, Francë, mbyllur në një kafaz të ngushtë.
1513 – Juan Ponce de León e shpalli Floridën teritor të Spanjës.
1582 – Lindi Phienas Fletcher, poet anglez që shkroi gjatë gjithë jetës dhe kur vdiq la pas një letërsisë të pasur që krahasohet me atë bashkëkohësve të tij të periudhës së Rilindjes, si Spenser dhe Milton. Punimet e mbledhura e Phineas përfshijnë tre vëllime prozë fetare, një poemë epike, himne, psalme, përkthime, këngë të ndryshme, dhe poezi.
Canto V, nga Phienas Fletcher
(shqipërim)
Nata bie, në qiell retë vrapojnë
Vesën shpërndajnë, të cilën e hedhin
Mbi lulet dhe sytë e përgjumur.
Hëna e lagësht dhe yjet e ftohtë
Dritë në anën e diellit bëjnë
Në flakët e tij përtërijnë veten.
Pse duhet të ndriçojnë në tokë e pastaj të përqeshen,
Kur drita e tyre është vetëm e hyjnisë Diell?
Përkundër, aq sa yjet në rënie,
Dhe druri i kalbur, do të shkëlqenin.
1783 – Katerina II e Rusisë anekson Krimenë. Gjatë sundimit të saj, Katerina e Madhe u përpoq t’i bënte përshtypje Perëndimit, ndërsa pa mëshirë ushtronte autoritetin e saj mbi Rusinë dhe rajonin përreth. Në botë, Katerina e paraqiste veten si monarke i drejtë që interesohej për mirëqenien e popullit të vet. Por në të njëjtën kohë, aneksoi shumë prej asaj që sot është Ukrainë, copëtoi Poloninë dhe shtypi brutalisht kryengritjen më të madhe fshatare në historinë ruse.
1820 -Statuja Venus de Milo zbulohet në ishullin e Melos të detit Egje. Statuja iu “dhurua” mbretit të Francës Louis XVIII, i cili e vendosi në muzeun e Louvrit.
1866 – Itala dhe Prusia u bënë aleatë kundër Austro-Hungarisë.
1899 – Martha Place u bë gruaja e parë që u ekzekutua në karrige elektrike.
1916 – Në Korona, Kaliforni, piloti automobilistik Bob Burman bën ndeshje nga e cila mbesin të vdekur tre spektatorë dhe lëndohen pesë.
1943 – Londër, Oborri mbretëror shqiptar i dërgon një letër Fan Nolit në Boston, SHBA, lidhur me krijimin e një qeverie në mërgim – në letër thuhej: “Mbreti Zog do të ishte i kënaqur të shihte hirësine tuaj në krye të kësaj qeverie”. (OP)
1946 – Lidhja e Kombeve zhvillon mbledhjen e saj të fundit.
1957 – U rihap Kanali i Suezit në Egjipt.
1990 – Shpallet Dita Ndërkombëtare e Romëve gjatë Kongresit të katërt të Unionit Ndërkombëtar Rom, në Poloni.
1992 – Ish tenisti Arthur Ashe deklaroi se kishte AIDS të cilën e kishte fituar gjat marrjes së gjakut gjatë dy operimeve të tija në zemër.
1994 – Ndalohet pirja e duhanit në Pentagon dhe në të gjitha bazat ushtarake amerikane.
1999 – Partia politike indiane Haryana Gana Parishad u bashkua me partinë politike Indian National Congress.
2005 – U bë funerali i Papës Gjon Pali II në Vatikan.
Lindje
1320 – Pedro I, mbret i Portugalisë (vdiq më 1367)
1875 – Albert I, mbret i Belgjikës (vdiq më 1934)
1911 – Emile M. Cioran, filozof rumun (vdiq më 1995)
1938 – Kofi Annan, ish sekretar gjeneral i Kombetit e Bashkuara
1941 – Vivienne Westwood, stiliste angelze
1943 – Michael Bennett, skenarist amerikan, fitues i Pulitzerit
1947 – Robert Kiyosaki, shkrimtar amerikan
1955 – Barbara Kingsolver, romanciere amerikane
Vdekje
1143 – John II Comnenus, perandor bizantik (lindi më 1087)
1364 – Jean II, mbret i Francës (lindi më 1319)
1931 – Erik Axel Karlfeldt, shkrimtar suedez, nobelist
1973 – Pablo Picasso, piktor spanjoll (lindi më 1881)
Festa dhe përvjetore
Në Shqipëri, mbahet si ditë festimi dhe përkujtimi për komunitetin e pakicave “Rome”
