Më 8 prill 1937 u botua kryevepra letrare e Gjergj Fishtës, “Lahuta e Malcisë”, shkruan InLajmi.
Lahuta e Malcisë konsiderohet si kryevepra e Gjergj Fishtës, të cilën autori filloi ta shkruante nga vitit 1905 duke e përfunduar në vitin 1937.
Vepra Lahuta e Malcisë përshkruan luftërat e 2 brezave, mirëpo këngët e saj më tepër tregojnë ngjarje të veçanta. Ajo nuk është një poemë që ka një veprim kryesor dhe një hero kryesor, siç janë eposet e mëdha.
Lahuta e Malcisë është vepër për himnizimin e përhershmërive shqiptare, apo projekt i idealitetit dhe i dëshirës shqiptare të Gjergj Fishtës, që nuk kufizohet në zona kohe as hapësire.
Kryevepra e Gjergj Fishtës “Lahuta e Malcisë” është e papërsëritshme në letërsinë shqipe për shprehjen në mënyrë të sistemuar të qenësisë shqiptare dhe për shprehjen gjuhësore letrare me pasuri të leksikut me figurën e moralitetin e saj të provuar si dëshmi e jetës në gjuhë. /InLajmi/
