Të paktën 20 persona rezultojnë të zhdukur pasi një varkë që po përpiqej të kalonte Mesdheun u mbyt pranë Tunizisë, sipas një zyrtari, transmeton InLajmi.
Roja bregdetare shpëtoi 17 të tjerë, 2 prej të cilëve janë në gjendje kritike, pasi anija u fundos në brigjet e Sfax, tha të shtunën gjykatësi Sfax Faouzi Masmousdi.
Javët e fundit, dhjetëra persona janë zhdukur nga aksidentet apo përmbytjet me varkë në brigjet e Tunizisë.
Tunizia ka zëvendësuar Libinë si një pikënisje kryesore për njerëzit që ikin nga varfëria dhe konflikti në Afrikë dhe Lindjen e Mesme me shpresën për një jetë më të mirë në Evropë, shkruan Aljazeera.
Garda Kombëtare e Tunizisë tha të premten se më shumë se 14.000 refugjatë, kryesisht nga Afrika Sub-Sahariane, u kapën ose u shpëtuan në 3 muajt e parë të vitit ndërsa përpiqeshin të kalonin në Evropë, 5 herë më shumë se shifrat e regjistruara në të njëjtën periudhë të vitit të kaluar. /InLajmi/
