106 vjeçarja, Apo Whang-Od është bërë ylli i kopertinës së revistës prestigjioze Vogue Philippines, transmeton InLajmi.
106-vjeçarja nga Filipinet është bërë personi më i vjetër i paraqitur ndonjëherë në ndonjë revistë.
Whang-Od, e njohur gjithashtu si Maria Oggay e ka pasur dhe vazhdon ta ketë pasion artin e tatuazheve që kur ishte adoleshente, e cila ishte mësuar nën udhëzimet e babait të saj.
Me banim në fshatin malor të Buscalan, rreth 15 orë në veri të Manilës, në provincën Kalinga, ajo konsiderohet banorja më e vjetër e vendit ose tatuazhistja tradicionale Kalinga.
Arti mund t’u transmetohet vetëm të afërmve të gjakut dhe Whang Od ka disa vite që stërvit mbesat e saj Elyang Wigan dhe Grace Palicas.
“Unë jam i vetmi që kam mbetur gjallë që ende bëj tatuazhe. Por nuk kam frikë se tradita do të marrë fund sepse (po stërvit) mjeshtrit e ardhshëm të tatuazheve.”, tha 106-vjeçarja.
“Tradita do të vazhdojë për aq kohë sa njerëzit vazhdojnë të vijnë për të bërë tatuazhe”, shtoi ajo, shkruan CNN.
Para paraqitjes së Whang-Od në Vogue të Filipineve, rekordi për modelen më të vjetër të kopertinës së Vogue mbahej nga aktorja Judi Dench, e cila u shfaq në ballinën e British Vogue në vitin 2020, në moshën 85-vjeçare. /InLajmi/
