Grupi për Ballkan me rastin e 15-vjetorit të Kushtetutës së Kosovës, të premten ka organizuar konferencën “Analizë gjithëpërfshirëse e Kushtetutës së Kosovës”, raporton InLajmi.
Nami Rashiti, drejtor i Grupit për Ballkan deklaroi se gjatë 15 vjetëve Kushtetuta dhe Gjykata Kushtetuese kanë dëshmuar themelin e demokracisë, zgjidhjen e shumë krizave dhe ruajtjen e bilancit të pushteteve.
“Gjatë këtyre 15 vjetëve Kushtetuta dhe Gjykata Kushtetuese kanë dëshmuar themelim e demokracisë, zgjidhjen e shumë krizave dhe ruajtjen e bilancit të pushteteve. Grupi për Ballkan gjatë viti të kaluar ka punuar një, analiza thotë se ekziston nevoja për intervenime. 21 çështje të detajuara në këtë raport ndahen në grupe. Në besojmë që ky punim mund të i’u shërbej të gjithëve”, deklaroi ai.
Ndërsa Ambasadori i Norvegjisë, Jens Erik Grøndahl deklaroi se ndryshimet Kushtetuese janë më së të nevojshme.
“Shqyrtimet dhe reformat Kushtetuese janë të rëndësishme. Kështu është edhe gjendja në vendin tim. Kemi kënaqësinë që na lejoni që të ju ndihmojë. Procesi i rishikimit Kushtetues ka arritur një sukses nga grupi i Ballkanit”, tha ai.
Se reformat kushtetueshe janë të rëndësishme në shtetin e të drejtës tha edhe Kryetarja e Gjykatës Kushtuetuese, Gresa Caka-Nimani.
“Një analizë e tillë duhet me doemos t’i nënshtrohet një debati të gjerë e të vazhdueshëm publikë. Sepse vetëm përmes një diskutimi të hapur e publikë, do të mund të jetësohet teoria e lidhur me shtetin e së drejtës”, tha ajo.
Pjesëmarrës në këtë takim ishte profesori i së drejtës Hajredin Kuçi i cili tha se Kushtetuta duhet të ndryshojë dhe se ajo nuk do të jetë pengesë e zhvillimit të shtetit. /InLajmi/
