Ministrja e Punëve të Jashtme, Donika Gërvalla, gjatë raportimit në komisionin parlamentar për politikë të jashtme është shprehur e bindur se Greqia do ta njohë shumë shpejt Kosovën, raporton InLajmi.
“Ka disa lëvizje në drejtim të duhur dhe jam e bindur se Greqia mund të lëvizë drejt njohjes së Kosovës. Nuk ka më arsye siç kanë qenë, kemi disa përafrime e vizita që i kemi pasur”, tha ajo.
Për më tepër, Gërvalla theksoi se së shpejti Kosova do ta ketë ambasadën në Poloni.
Ajo bëri të ditur se janë ftuar nga shteti polak që të sigurojë objektin dhe procedurat e tjera diplomatike.
“Për herë të parë do të kemi ambasadën ose konsullatën tonë në Poloni. Kemi kryer të gjitha procedurat dhe jemi ftuar që ta sigurojmë objektin dhe procedurat tjera diplomatike. Nuk jemi në dijeni nëse edhe Polonia do ta bëjë edhe në Kosovë, pra nëse do ta hap edhe Polonia në Kosovë ambasadën”, tha Gërvalla. /InLajmi/
