Ministri i Shëndetësisë Arben Vitia, në seancën e Kuvendit të Kosovës, iu përgjigj deputetit të PDK-së Bekim Haxhiut, pasi ky i fundit bëri të ditur se në raportin e audimit për SHSKUK thuhet se janë bërë 17 shkelje dhe keqpërdorim në vlerë prej 12 milionë euro ndërsa pyeti se çfarë do të ndërmarrë ministri në këtë aspekt meqë tash e ka rimarrë mandatin, raporton InLajmi.
Vitia theksoi se organet relevante duhet të merren me këto shkelje që janë publikuar në raportin e audimit.
Për më tepër, ai tha se ka kërkuar përgjegjësi për këtë raport ndërsa shtoi se bordi drejtues në kuadër të komptencave ligjore nuk e ka në menaxhim buxhetin e SHSKUK-së dhe si rrjedhojë nuk ka si të krijojë dëmin për shumat e përmendura nga Haxhiu.
Tutje, Vitia tha se të gjeturat e ZKA-së nuk janë përllogaritje për keqpërdorim të mjeteve por vetëm keqklasifikime. /InLajmi/
