Gjykata Supreme të enjten ka liruar nga akuzat Naser Pajazitajn, të akuzuarin për vrasjen e Donjeta Pajazitajt në vitin 2015.
Besarta Bresnica ka thënë se ky vendim vetëm se i fuqizon dhunuesit që ata të kryejnë vepra të tilla, sepse sipas saj, ata po kenë mundësinë të dalin shumë lehtë prej gjykatave dhe prej krejt sistemit të drejtësisë.
“Përderisa kemi prokuror të tillë për derisa nuk janë në gjendje të përpilojnë një aktakuzë ashtu siç duhet, edhe për derisa nuk kemi hetim të provave të vazhdueshme dhe të mirëfillta padyshim që të gjitha këto dërgojnë në dekurajim të viktimave dhe në të njëjtën anë vetëm po i fuqizojmë dhunuesit që ata të kryejnë vepra të tilla sepse siç mund të shihet ata po dalin shumë lehtë prej gjykatave dhe prej krejt sistemit të drejtësisë”, është shprehur ajo.
Po ashtu, ajo ka thënë se vendimi i tillë është mjaft shqetësues, pasi “nuk ka asnjë komunikim me publikun e as me familjarë të Donjetës, vendimin për lirimin e Naser Pajazitaj familjarët e Donjetës e kanë kuptuar përmes mediave përmes lajmeve dhe thirrjeve telefonike që kanë pranuar vëllai i Donjetës”, shkruan Tv Dukagjini
Ajo ka thënë se ka gjithmonë një sistem drejtësie shumë patriarkal dhe tradicional që sipas saj po i mbron vazhdimisht burrat dhe “gratë konsiderohen si armiq dhe nuk iu intereson kurrë për jetën e tyre”.
