Në Dhomat e Specializuara të Hagës po vazhdon gjykimi ndaj ish-krerëve të UÇK-së. Fjalën pas avokates Venkateswari Alagendra, e mori Jakup Krasniqi, i cili deklaroi se nuk i kupton akuzat e ngritura ndaj tij dhe se asnjëherë nuk ka qenë i përfshirë në burgosje apo vrasje, raporton InLajmi.
Krasniqi përmendi një nga një masakrat e kryera nga Serbia, duke shtuar se disa prej tyre i ka parë me sytë e tij.
Tutje, ai shtoi se në vitin 1998 ka dalë publikisht si zëdhënës i UÇK-së, derisa theksoi se nuk ka hezituar që të marrë një detyrë të tillë, ani pse rreziku për të dhe familjen e tij ka qenë i madh.
Për më tepër, Krasniqi tha se babai i tij ka vdekur nga pasojat e torturave serbe. /InLajmi/
