Të paktën 26 persona kanë vdekur, pasi një seri tornadosh goditën disa qytete në jug dhe në mesperëndim të Shteteve të Bashkuara, transmeton InLajmi.
Shumë shtëpi u shkatërruan dhe mijëra persona mbetën pa energji elektrike.
Sipas Washington Post, janë regjistruar më shumë se 60 raporte për tornado.
Shtetet duke përfshirë Arkansas, Tennessee, Illinois, Indiana, Alabama dhe Mississippi kanë pasur të gjitha viktima nga tornadot dhe stuhitë.
Guvernatorja Sarah Huckabee Sanders shpalli gjendje të jashtëzakonshme në shtetin e Arkansas të premten.
Ajo tha se kishte folur me presidentin Joe Biden për situatën, i cili i premtoi ndihmë federale.
Virxhinia, Ohio dhe Pensilvania janë më të prekurat nga stuhitë, shkruan BBC.
Tornadot vdekjeprurëse vijnë një javë pasi një tornado shkaktoi vdekjen e 26 personave në Misisipi. /InLajmi/
