Ka përfunduar “Marshi për Drejtësi”, i cili po mbahej si mbështetje dhe solidarizim për ish-krerët e UÇK-së që po gjykohen dhe po mbahen në paraburgim në Hagë, raporton InLajmi.
Ky marsh është organizuar nga platforma “Liria ka emër” dhe gjeti mbështetje nga mijëra qytetarë, të cilët mbushën sheshet e Prishtinës.
“Marshi për drejtësi” u mbajt një ditë para fillimit të gjykimit të ish-krerëve të UÇK-së në Hagë.
Kryetari i Partisë Demokratike të Kosovës Memli Krasniqi, u tha qytetarëve se ish-krerët e UÇK-së po e përcjellin drejtpëdrejt marshin për drejtësi derisa shtoi se një pamje e tillë e Prishtinës së stërmbushur me qytetarë për një kauzë të drejtë është krejt ajo çka i duhet Kosovës. /InLajmi/
