Ministri i Mbrojtjes Armend Mehaj këtë të shtunë ka përkujtuar masakrën e Lubeniqit, përcjell InLajmi.
Mehaj ka thënë se Lubeniqi i Pejës, nuk ishte cak i shtetit serb vetëm më 1 prill 1999, “por edhe më 7 prill 1999 dhe me 25 maj të vitit 1998
Ai shtoi se drejtësia për lybeniqasit duhet vendosur në vend, thirrjeve të banorëve për drejtësi i bashkohet secili.
Postimi i plotë i tij:
Masakra në Lybeniq të Pejës.
24 vite me parë, forca të shumta të policisë e ushtrisë serbe depërtuan në Lybeniq të Pejës, dhe pasi që i ndanë burrat nga gratë, i grumbullojnë në qendër të fshatit dhe më pas burrrat dhe djemtë pushkatohen me breshëri plumbash, duke mos iu mjaftuar ky krim ata vazhdojnë me mizorinë tjetër duke i masakruar trupat e tyre në mënyrat më barbare.
Lybeniqi i Pejës, nuk ishte cak i shtetit serb vetëm më 1 prill 1999, por edhe më 7 prill 1999 dhe me 25 maj të vitit 1998 ndaj këtyre banorëve u kryen masakra të tmerrshme.
Drejtësia për lybeniqasit duhet vendosur në vend, thirrjeve të banorëve për drejtësi i bashkohet secili nga ne.
Shteti gjenocidal serb dhe kriminelët që strehon në gjirin e tij duhet të dënohet patjetër.
Ne nuk harrojmë, ne nuk falim! /InLajmi/
